🔥【田草5班1400米激戰】潘頓「綫路萬里」誓破亞軍命！添喜運強組對決｜鼓浪飛凡冷門突襲

C兄講馬2025年9月14日
第一場田草5班1400米

1.【午夜快車】
艾道拿大衛希斯 135磅 9檔
馬匹初落5班，上季於4班作賽未有明顯吸引既表現。反而值得留意既係騎師快操，踱步，兩課大閘一手摸實，2課大閘後上走勢吸引，末段走勢同完成時間都吾差。有細心既朋友最近更加留意呢隻會吾會係【湯普新】寶藏，畢竟【高感】，【勇霸龍】也順利補中。相信呢隻4歲馬持續進步5班肯定會有表現，但今次負頂磅同排外檔，我今場就要唔到，再跑下觀察下先。

2.【威威父子】
黃寶妮（-10）賀賢 135磅 1檔
上季季尾自從戴左個眼罩之後於5班谷草1650米表現相當準繩。復課試閘表現進展吾大。今仗繼續戴返個眼罩，排個1檔，預計會係今仗有飛份子。但呢隻係我相當想攻擊既一匹馬。首先過往跑田草皆未能上名，感覺谷優於田。而且贏馬拍檔兼熟手技工潘明輝無騎，改配徒弟黃寶妮。師徒合作成績差，再者暫時未見黃寶妮騎後上馬有亮眼表現，今場排1檔如果早段唔快，困係馬群中競跑，入直路擔心騎師未能順利抽出望空衝，反而成更大隱憂。再加上騎士D長期落飛偏熱，所以今場我直接吾要。

3.【添喜運】
周俊樂（-2）伍鵬志 134磅 2檔
上季初出4班同程一出即勝。之後轉跑谷草1200米再添1W，上季贏馬時評分49分，現時已到評分新低38分。而且近仗表現水準也相當高。前仗同場對手【智勝攻略，【好節拍】再出補中，上仗對手【勁爽】，【領創動力】再出也順利入Q。絕對算得上強組賽季。練馬師6月已經收起隻馬，休息期充足，復課大閘操練做足。評分有利且排2檔好檔，最大對手都係上仗亞軍今場都有份跑既【綫路萬里】，今仗三甲要預佢一席。

4.【綫路萬里】
潘頓蘇偉賢 133磅 7檔
剛介紹3.【添喜運】時都有提到，上仗787場次對手【勁爽】，【領創動力】再出也順利入Q。絕對算得上強組賽季。其實上仗明博架啦，佢同頭馬【冠寶去】彈甩主馬群，僅以短頭位分勝負。如果單睇返今仗有份跑既【添喜運】，就擺明贏佢，上仗讓3磅贏3個馬位，今仗都只不過係讓2磅，唯一係檔位調轉。今次【綫路萬里】抽個7檔檔位外移。不過考慮到潘頓吾放手，以潘頓博馬既走位，相信未必需要太蝕。未出頭馬必定博盡求開齋，今仗首選。

5.【上校】
董明朗黎昭昇 132磅 4檔
上星期開鑼日有揀佢做冷腳，博佢老馬利季初，第一舖放到。點知陣上表現失望，入直路已經散曬。上仗賽前都已經講到呢隻馬無眼罩表現成績欠佳，但今仗仍然未有配戴任何眼罩。上仗1200米都斷，今仗1400米更難放到，今仗要唔到啦，再跑下等轉返谷草1200米再考慮。

6.【開心老友】
奧爾民沈集成 131磅 14檔
又係果類7仗落5班馬，可見質素一般。上季表現就相當一般啦。唯一係今季試閘有D野睇，灣位湧一湧，直路按返。但今仗不幸又排個14檔大外位，再跑下先啦

7.【歐洲傳奇】
潘明輝葉楚航 130磅 6檔
傷患馬上季轉倉之後越跑越差，近幾仗皆雙位數名次過終點，表現失望。而且同程4戰未上過名，騎練合作數據也差。反而係最近課泥閘最後望空自己湧上黎，衝勢幾吸引，我個人覺得呢隻馬或者留返泥地出擊先再留意，今仗要唔到。

8.【鼓浪飛凡】
何澤堯文家良 129磅 8檔
呢匹傷患馬評分減到新低，比上季贏馬37分再低。賽前騎師親自摸過隻馬，試閘表現不過不失。係博呢隻馬季季初第一仗例有好表現。今仗預佢一席半冷位置。

9.【常常感恩】
潘大衛蘇偉賢 127磅 12檔
上仗開鑼日田草1200米接近包尾而回，今仗增程曾經2W既田草1400米。繼續用返潘大衛，首先潘大衛暫時來港成績仲未有表現，加上馬匹抽個12檔，由1檔變12檔，形勢上更不利。都係繼續跑下先啦，呢隻要吾到。

10.【美神來】
巴度羅富全 127磅 3檔
馬匹評分減到新低31分。其實呢隻馬上季長期都輸吾遠，係另一個角度來講算準，因為長期都係輸3個馬位左右。上季試過放頭走吾得，近幾仗改用後上跑法，次次都係追得近而無威脅。而且呢隻馬出閘經常慢閘，睇試閘表現普通，起步稍慢，三百移出，稍追而已。今仗抽個3檔，希望唔好慢閘啦，守到好位直路衝一段，以現時評分有利，四連環四重彩可以作配腳之選。

11.【不假外求】
班德禮黎昭昇 124磅 11檔
上季試過唔同路程吾同場地，12仗全敗。評分由63分減到28分。呢隻馬無咩變速力既馬1400相信嫌棄短。今仗排個11檔，跑下先啦。今仗要唔到。

12.【友盈勇者】
金誠剛韋達 123磅 10檔
又係一匹戰績全敗馬，上季11仗全敗，近幾仗更加係越輸越遠。講緊輸13個馬位果隻。試閘也未見有唔同，吾多講啦，跑下先啦，呢隻要唔到。

13.【夢幻駿駒】
黃智弘（-5）方嘉柏 121磅 13檔
上仗開鑼戰田草1200米留前鬥後追，以22.6秒既快末段時間追返個接近既第6。不過唔好彩啊，今仗又抽個13檔大外檔，形勢上又要留前鬥後追一段。上次有提過呢隻馬休後表現特別好，未出頭馬相信都會繼續博。但今場又係輸形勢，四連環四重彩配腳之選。

14.【背背龍】
蔡明紹巫偉傑 119磅 5檔
上季由1000米到1800米都試勻。1400-1600應該係射程範圍。賽前騎師蔡明紹快操大閘一手摸實，但睇試閘表現一般。而且7月曾經有過食欲不振記錄，健康成疑。今仗都係跑下睇睇先啦，今仗吾要啦。

今場選擇：3.【添喜運】4.【綫路萬里】8.【鼓浪飛凡】
攻擊對象：2.【威威父子】

#賽馬 #香港賽馬 #跑馬地夜馬 #第一場 #谷草1000米 #5班賽事季尾賽事 #魅力心 #天分高 #中華威威 #上校 #進優自在 #讓愛高飛 #嘉應威風 #大蕃薯 #潘頓 #四重彩 #贏錢策略 #免費WhatsApp群 #即場飛數 #搵錢 #搵錢快 #舞林密碼 #貼士 #馬會 #賭馬 #免費貼士 #tips #馬膽 #薪金 #揾快錢 #福利 #香港賽馬會 #賽馬會 #賭 #跑馬 #食馬 #3T #位置 #獨贏 #馬王 #問題馬 #馬匹 #講馬經 #講馬 #馬迷 #冠軍馬 #賽馬直擊 #中華威威 #四重彩 #熱門 #賽馬貼士 #潘頓 #賽馬直播 #賽馬分析 #贏跑 #賽馬直擊 #莫雷拉 #布文 #HKJC #賽馬會 #賽後你點睇 #賽果 #賽馬日 #賽馬貼士 #足球貼士 #賽馬TIPS