2025年12月7日 | 🎯【王牌首選】魔法速遞9檔5班專家！潘頓文家良恨交代｜歷來5班6戰1W4P上名王

1.魔法速遞
潘頓文家良 135磅 9檔
近幾仗表現準繩連續四仗上名，而且呢隻魔法速遞歷來5班成績6戰攞得1w4p，上名率極高。今仗用返潘頓，文家良潘頓今季騎練合作數據也好，埋門操練正常，最後仲專登快試個末段，恨交代架啦，今仗繼續三甲之選。

2.光輝歲月
霍宏聲游達榮 134磅 11檔
生涯7仗全敗落5班，呢D馬幾時都話質素一般。馬匹個半月前做過喉部手術，今場仲要抽11檔，無論健康狀態都有疑問，形勢又唔就，飛得。

3.大利好運
麥道朗蔡約翰 134磅 12檔
其實呢隻大利好運跑呢程泥地1650米成績相當唔錯，6戰獲1冠1亞1季。而且上場都算強組賽績，本領非凡再出補中，加州星馳再出跑第二。青春力量，瑞棋威楓再出跑第三。今場落班即刻強配麥道朗，賽前兩試大閘，備戰積極，雖然排12檔，但都照要，今場三甲之選。

4.超步速
黃智弘方嘉柏 129磅 5檔
又係毫無表現生涯6戰全敗初落5班，呢類馬再跑下等近左再跟進都唔遲，今場要唔到。

5.戰騎飛
金誠剛蘇偉賢 133磅 6檔
生涯13戰全敗，上場仲大敗15個馬位，要唔到啦。

6.美麗環聲
艾兆禮告東尼 132磅 14檔
近幾仗表現都毫無威脅，連續三場輸過10個馬尾開外。今場仲要抽個14檔，要唔到。

7.特別美麗
布文桂福特 131磅 4檔
上場初落5班即刻輸近，明顯係呢個班有輕微班利。不過呢隻千年老二係上手攞富全馬房博極都唔出頭，宜家來到桂福特手，桂福特啱啱連續兩個賽日都有頭馬，啱啱星期三仲出兩隻應兩隻起孖，馬房勢力正勁，睇睇有無計幫呢隻處女馬打開勝利之門啦，今場三甲之選。

8.常多笑
梁家俊鄭俊偉 130磅 10檔
生涯12戰全敗馬，上場初落5班都係輸金7個馬位開外，未見有咩表現，繼續跑下減下分先，要唔到啦。

9.宇宙之光
巫顯東徐雨石 124磅 2檔
生涯9戰全敗，上仗跑5班田草1600米開始輸近，放頭跑到最後50米先力弱被過，輸唔到3個馬位，今場排2檔預計都係擺前走，四連環四重彩冷配腳可以一試。

10.幻影旋風
紀仁安丁冠豪 123磅 8檔
上場123場次好多馬再出都有好表現，但呢隻幻影旋風暫時睇也止於走近，睇返賽前操練做足，仲試埋大閘而來，不過試閘表現就好一般，我都係要唔到。

11.東方福寶
楊明綸徐雨石 120磅 13檔
今季表現好差，場場雙位數名次返，排埋13檔，真係要唔到。

12.歐洲傳奇
班德禮葉楚航 120磅 7檔
一再指呢隻馬唔係無能力，但傷患馬始終健康唔穩定，真系唔知佢幾時得幾時唔得，最多都係四連環四重彩拖下。

13.上市魅力
潘大衛蘇偉賢 120磅 1檔
都係出自123場次，上仗好多馬再出都有好表現，好似耀昌盛世，齊歡最樂再出w左，型到爆，魔法速遞再出都上名，而且今場抽黃金1檔同上場形勢差好遠。不過我自己覺得呢隻馬跑呢程嫌短，睇返過往跑得好都係1800以上，我覺得今場可以借檔位之利跑近，四連環四重彩可以包返。

14.領創動力
田泰安沈集成 119磅 3檔
今場無咩步速，呢隻領創動力跑法主動有機會賺到步速形勢，賽前6日馬房仲可以試返個閘，輕飄飄擺前走，預計會近，係今場我既第四選。

今場選擇：1.魔法速遞 3.大利好運 7.特別美麗

#賽馬
#賽馬貼士
#香港賽馬
#潘頓
#賽馬分析
#賽馬直擊
#莫雷拉
#蔡約翰
#告東尼
#方嘉柏