🔥【開鑼日心水】田草5班1200米激戰！伶俐驫駒賀壽馬強勢來襲｜上校老馬翻身｜讓愛高飛14檔爆冷？

C兄講馬 2025年9月7日
第一場田草5班1200米

1.【風林火山】
班德禮文家良 135磅 12檔
5歲澳洲自購馬，上季於四班作賽均輸遠，唯一變數初落5班。但頂磅排檔差，睇閘用到見習生都末段力弱，再跑下先。

2.【上校】
艾兆禮黎昭昇 133磅 5檔
9歲老馬上季季初係四班47分都交到頭馬，現在評分減到最低位37分肯定有利，賽前操練正常，試足兩課大閘而來。略嫌今次裝備上無用贏馬或入位配備，過往無眼罩成績欠佳。但考慮到班底之利，而且有備而來誠意十足，轉倉馬又未交代。田草1200米低班賽事，放頭點都著數。

3.【魅力星】
奧爾民蔡約翰 133磅 4檔
係冠軍練馬師蔡約翰倉可以跑8場落5班，反映馬匹質素實在有限，睇返上季近幾仗其實都有追近，上仗對手【團結勇士】，前仗對手【藍爵爺】再出都入Q。賽前騎師親試，但睇課閘就無嘢好睇，唔知係未延續蔡約翰馬房一貫慢熱做法，等到12月先開始郁手。呢場最多作四連環/四重彩配腳之選。

4.【東方魅影】
霍宏聲大衛希斯 133磅 7檔
上季季尾一落5班即於谷草1200米走入一席第3，睇返賽事水準一般，屬於典型既賺盡形勢入位。但蹄下敗將【大蕃薯】，【快樂奇兵】再出分別贏馬及入Q。心律不正馬希斯6月已經提早抖暑，賽前兩試大閘，走勢順暢。呢場四連環/四重彩可以包返。

5.【陽光寶貝】
艾道拿伍鵬志 133磅 11檔
6歲馬來到評分新低，贏馬係上季47分於四班泥地1200米奪得。賽前騎師親試大閘，試閘表現不過不失。但考慮返騎練合作數據差，同程更加係8比0未曾上過名。今仗抽埋個11檔，同場必然放頭馬也都多，都係跑下先，留返泥地再出擊啦。

6.【天火同德】
布文韋達 132磅 6檔
馬匹出賽至今表現強差人意，無場好睇。馬房2月已經提早收起，未知是否健康有問題。呢次初落5班，賽前操練比較悠閒，大閘亦未見有好走勢。我成日都話韋達最鍾意就係幫馬匹換配備，撞下邊個配備岩洗啦。呢次又用羊毛面箍，又交叉鼻箍，又綁脷咁我極度懷疑韋達自己都吾知邊樣岩洗架。所以今場就算配上馬房搏馬殺手布文都睇低一線。

7.【東方福寶】
金誠剛徐雨石 130磅 8檔
上季曾於直路1000米爆個128倍入Q，但之後即使用到大師傅潘頓，田泰安都未有進一步表現。8月初復操，騎師親自試閘，馬林跟跑未見走勢，再跑下先啦。

8.【常常感恩】
潘大衛蘇偉賢 128磅 1檔
上季於田草5班1400米取得1W1Q既成績，但此程4戰全敗。騎師親自試閘，講少少個新騎師潘大衛，雖然未贏過一級賽冠軍，但係英國都叫摞過泥地王，唔知係未又係泥地特佳啦。不過我自己對呢個騎師既睇法暫時都係有保留，真系要睇睇佢是否適應香港既賽事形勢。呢次馬匹排抽個1檔應該好跑既，但本身同場對手甚多，熱下身先啦。

9.【伶俐驫駒】
田泰安桂福特 128磅 10檔
上季煞科戰我地都有tip呢隻容天鵬送行馬。回飛回到7.7倍，仲好分左，結果慢放下一放到底僅勝。今次轉倉到新練馬師桂福特，又講少少呢個南非練馬師啊，雖然未係南非冠軍練馬師級數，但係來港前係南非都算中上游水平。值得留意既係桂福特一早已經同田泰安係有交收。曾經贏過多項一級賽。呢次馬匹轉倉初出，田泰安由8月開始已經親自由快操到試閘都全程摸到實，仲刻意快試末段。呢次練馬師除曬所有配件，又係新馬季第一場，馬匹新鮮感充足。咁岩9月7號又係桂福特正日生日喔，做完送行馬會吾會又做賀壽馬兼開齋馬呢？其實呢隻馬大可以報下星期三既谷草5班1200米，但練馬師執意跑呢場，我就投佢一票既，呢隻我膽選。

10.【全神貫注】
潘明輝姚本輝 128磅 3檔
典型搵食馬。生涯23戰2W0P。前季35分贏馬，上季32分贏馬，可見評分己到有利水平，又睇幾時襟制出擊啦。馬匹復課後拍跳大閘都有做，今仗仲重戴贏馬配備半掩防沙眼罩。不過考慮到馬匹表現一係贏曬一係無曬，難言信心。

11.【飛躍精英】
黃寶妮（-10）賀賢 124磅 2檔
繼上季季初三度入位之後，表現一直失望，評分亦來到新低既29分。賽前騎師親自幫師傅馬匹一手包辦踱步快操試閘，試閘表現力策第二，未覺馬匹有明顯進步。係裝備變動上今仗反而無用贏馬配備。但今仗抽個2檔相對好跑，而且有見習生減10磅之利，呢場四連環/四重彩我會包返。

12.【讓愛高飛】
梁家俊鄭俊偉 122磅 14檔
8歲老馬評分再次跌破新低。上季去到季尾見馬匹開始有返走勢，煞科戰同頭馬今場都有份跑既【伶俐驫駒】以1/2個馬位齊齊過終點，表現尚可。可惜今仗抽個14檔，係睇呢條田草長直路可否爆一段上來。位置之選。

13.【夢幻駿駒】
黃智弘（-5）方嘉柏 121磅 9檔
未出頭馬上季季尾階段多次落重飛下倒灶。反映贏馬真係要配合天時地利人和先得拉。騎師親試大閘，埋門功夫做足。同值得留意既係呢隻馬每逢休後復出均跑入位置，休後表現值得信賴。但今次排9檔，要贏吾容易。四連環四重彩之選。

14.【快馬加鞭】
蔡明紹巫偉傑 120磅 13檔
上季主攻泥地，田草亦未曾上名。騎師親試大閘，贏試閘時間偏慢。不幸抽埋13檔，早段更難發揮，都係等待泥地再出擊啦。

今場選擇：2.【上校】9.【伶俐驫駒】12.【讓愛高飛】

#賽馬 #香港賽馬 #跑馬地夜馬 #第一場 #谷草1000米 #5班賽事季尾賽事 #魅力心 #天分高 #中華威威 #上校 #進優自在 #讓愛高飛 #嘉應威風 #大蕃薯 #潘頓 #四重彩 #贏錢策略 #免費WhatsApp群 #即場飛數 #搵錢 #搵錢快 #舞林密碼 #貼士 #馬會 #賭馬 #免費貼士 #tips #馬膽 #薪金 #揾快錢 #福利 #香港賽馬會 #賽馬會 #賭 #跑馬 #食馬 #3T #位置 #獨贏 #馬王 #問題馬 #馬匹 #講馬經 #講馬 #馬迷 #冠軍馬 #賽馬直擊 #中華威威 #四重彩 #熱門 #賽馬貼士 #潘頓 #賽馬直播 #賽馬分析 #贏跑 #賽馬直擊 #莫雷拉 #布文 #HKJC #賽馬會 #賽後你點睇 #賽果 #賽馬日 #賽馬貼士 #足球貼士 #賽馬TIPS