2025年10月1日 🎯【膽之選】威威父子8檔換潘頓如虎添翼！連續8仗前四準繩王

C兄講馬 2025年10月1日
第一場田草5班1400米

1.【鐵甲驌龍】
鍾易禮（-2）告東尼 135磅 10檔
又係一隻典型我講過好多次6仗7仗已經可以減夠分落5班既馬，呢類馬減分速度咁快都話俾你知質素真係有限。睇返近仗表現真係用強差人意人意形容，放又吾得追又吾得，就算初落5班都係無得搞，繼續跑下先啦。

2.【志在福星】
布文韋達 134磅 9檔
上仗抽個1檔沿途守好位，直路一度透出，最後先俾對手【凱旋幸運】衝過，僅僅輸1/2個馬位，表現相當唔錯。睇返呢隻馬其實田草1400米表現亦都有曬證明，生涯兩次入位都係呢程所得，今次繼續跑呢程，換返馬房博殺相當準繩既布文，打皇牌上陣，明刀明槍求開齋交代啦，今仗三甲與佢一席。

3.【宇宙之光】
奧爾民徐雨石 134磅 5檔
同1號馬【鐵甲驌龍】差吾多個案，6仗落5班，好打有限。以過去表現計就暫時場場大敗無咩好睇。季初試閘也都係大敗而回，上仗初出跑4班田草1200米真跑又係大敗7個馬位。今仗落班都係未見到有反彈空間，都係繼續跑下減下分先啦。

4.【威威父子】
潘頓賀賢 134磅 8檔
近況表現超級準繩馬，連續8仗未甩過前4名，有印象既朋友應該記得呢隻馬上仗季內初出排1檔係我重心攻擊馬，畢竟後上馬用阿妹黃寶妮排1檔預佢塞車機會大，結果一如預計入直路初400米至200米段一度困塞，最後200米先抽到初黎望空後上第三，表現已經超出預期，反映馬匹實力擺左係度，只要形勢稍就絕對隨時贏得。今場仲要由黃寶妮換上冠軍騎師潘頓，騎功上既分野就高下立見啦，再加上潘頓/賀賢呢對騎練合作成績一向唔錯，今場絕對係馬膽之選。

5.【龍又生】
希威森呂健威 132磅 7檔
4歲馬今仗季內初出初落5班，但呢隻馬以上季跑4班田草1400米計，其實輸得吾遠，賽前騎師希威森大閘快操一手包辦，不過可惜，試閘表現真係好一般，直路散曬，毫不起眼。再加上今季呂健威馬房仲未開始上力，繼續跑下先。

6.【添喜運】
艾兆禮伍鵬志 132磅 14檔
上場有講過呢隻馬上季初出4班同程一出即勝。之後轉跑谷草1200米再添1W，上季贏馬時評分49分，現時已到評分新低38分。而且近仗表現水準也相當高。上仗季內初出跑5班田草1400米最後直路困塞，但馬算有走勢。但上仗賽後無再試閘，操練上有D鬆散，再加上練馬師伍鵬志今季成績好差，檔位形勢又由上場2檔變今場14檔最外檔大幅轉差，今仗要唔到啦。

7.【宇宙動力】
梁家俊鄭俊偉 130磅 6檔
上場季內初出落班跑谷草1000米即刻交22秒69既快末段時間追近，明顯係5班作賽有班利。但田草1400米上季季尾係4班曾經跑過一次，結果大敗差吾多9個馬位，路程未有證明。今仗都係搏減分居多，再跑下先。

8.【熊噹噹】
金誠剛蘇偉賢 130磅 1檔
馬匹近兩仗表現開始復甦，上仗沿途居中，最後保持走勢影相輸左僅跑返席第四，同頭馬也不過個半馬位距離，表現唔錯。馬匹現時見到35分評分有利，已經遠低於贏馬時49分。今仗排1檔理應更加好跑。而且馬匹贏馬上名都係呢個路程取得，田草1400絕對岩跑。不過略嫌騎師再次來港表現一直好一般，所以最後我擺低一格，作四連環四重彩配腳之選。

9.【競駿天下】
田泰安桂福特 130磅 4檔
馬匹生涯3W都係來自呢個路程，上季季尾最後一仗都係跑5班田草1400米，沿途三疊都可以追到一席第四，其實表現算唔錯，同場對手【瀧澤飛駒】，【凱旋幸運】再出都可以贏馬。賽前騎師又係快操大閘一手包辦，試閘又係沿途外疊，直路追勢唔錯，睇得出馬匹狀態係度，再加上練馬師今季出馬貴精不貴多，隻隻都操好先出，上個賽馬日一係吾贏一贏開齋兼起孖。今場我繼續投信任一票，三甲要預返。

10.【幻影旋風】
周俊樂（-2）丁冠豪 127磅 2檔
近仗試過唔同場地，但表現都係一塌糊塗。上季仲試過發脾氣退出試閘，反映馬匹情緒仲未夠成熟。今季試閘表現仍未見有明顯進步。今場抽個10檔也吾係好跑，呢隻都係繼續跑下先啦，今仗要唔到。

11.【荃程路通】
黃寶妮（-7）文家良 123磅 12檔
8歲老馬要博進步就吾太現實，但上季季尾就係5班同程又係配黃寶妮結果一放到底贏馬。賽前試閘表現唔錯，主動快放，有前有後。大閘細閘功夫做足，季初博體力充足食過翻尋味又一放到底有幾出奇，再加埋今仗無必然放頭馬，相信呢隻會係今場步速主宰者。不過唔好彩排個12檔，我吾敢話佢吾得，四連環四重彩配腳之選。

12.【不假外求】
班德禮黎昭昇 121磅 11檔
生涯13戰全敗，上場季內初出跑5班同程全程外疊放頭，入直路已經開始散，表現暫時未見有威脅。今場繼續抽個11檔，吾覺得有咩殺著，繼續跑下先啦，今場要唔到。

13.【夢幻駿駒】
巴度方嘉柏 118磅 13檔
今季跑兩場，場場都得個追字。今場又抽個13檔，淨係形勢上已經無著數。都係等轉翻跑馬地抽個好檔再出擊啦。今仗要唔到。

14.【背背龍】
蔡明詔巫偉傑 116磅 3檔
上季由1000米到1800米都試勻。1400-1600應該係射程範圍。上仗賽前騎師蔡明紹快操大閘一手摸實，但睇試閘表現一般。而且7月曾經有過食欲不振記錄，健康成疑。結果上仗初出跑5班田草1400米，接近包尾而回。今仗都係要唔到。

今場選擇：2.【志在福星】4.【威威父子】9.【競駿天下】

#賽馬
#賽馬貼士
#香港賽馬
#潘頓
#賽馬分析
#賽馬直擊
#莫雷拉
#蔡約翰
#告東尼
#方嘉柏